SPlay Platformasi Cookie siyosati

Tahrir: 1.0. Kuchga kirish sanasi: «___» __________ 2026-yil.

1. Umumiy qoidalar

1.1. Ushbu Cookie siyosati "MEDIA CONTENT PRODUCTION AND BROADCAST" MCHJ (Administrator) splay.uz sayti va SPlay ilovalarida cookie va shunga o'xshash texnologiyalardan qanday foydalanishini tushuntiradi.

1.2. Ushbu Siyosat SPlay Foydalanuvchi shartnomasi va SPlay Maxfiylik siyosati bilan birgalikda qo‘llaniladi hamda ularda belgilangan atamalar va qoidalar bilan o‘zaro muvofiq talqin etiladi. Cookie va shunga o‘xshash texnologiyalar orqali shaxsga doir ma’lumotlarni yig‘ish va ularga ishlov berish bilan bog‘liq masalalar ushbu Siyosat hamda Maxfiylik siyosati bilan tartibga solinadi.

2. Cookie tushunchasi

2.1. Cookie — veb-sayt tomonidan Foydalanuvchining brauzerida saqlanadigan kichik hajmdagi matnli fayllardir. Shuningdek, Platformada cookie fayllariga o‘xshash funksiyalarni bajaruvchi mahalliy xotira texnologiyalari, ilova ichidagi identifikatorlar, dasturiy kutubxonalar (SDK), reklama identifikatorlari va boshqa kuzatuv texnologiyalaridan foydalanilishi mumkin. Ushbu Siyosatda cookie va shunga o‘xshash texnologiyalar birgalikda «Kuzatuv texnologiyalari» deb yuritiladi.

3. Cookie turlari

3.1. Zarur cookie. Platforma ishlashi uchun kerak: avtorizatsiyani saqlash, xavfsizlik, Qurilmalar limitini nazorat qilish, tanlangan Profil va uning yosh toifasini eslab qolish, til tanlovi, cookie bo'yicha tanlovingizni eslab qolish. Ularsiz Xizmat ishlamaydi, shuning uchun ular rozilik so'ralmasdan qo'llaniladi.

3.2. Funksional cookie va texnologiyalar. Platformadan foydalanish qulayligini oshirishga xizmat qiladi, jumladan, video sifatini internet tezligiga moslash, oxirgi qidiruv so'rovlarini va ilovani o'rnatish taklifi ko'rsatilganini eslab qolish uchun qo‘llaniladi. Bunday texnologiyalar zarur bo‘lmagan hollarda Foydalanuvchining tegishli roziligi olinganidan keyin faollashtiriladi.

3.3. Analitik cookie va texnologiyalar. Platforma qanday ishlatilayotganini o'rganish uchun: tashriflar soni, ko'p ko'riladigan bo'limlar, xatolar va sahifa yuklanish tezligi. Saytda Google Analytics, mobil va TV ilovalarida Google Firebase Analytics va Firebase Crashlytics qo'llaniladi. Imkon qadar umumlashtirilgan ma'lumot ishlatiladi.

3.4. Reklama cookie va texnologiyalari. Bepul Kontentda reklama ko'rsatish va reklama ko'rsatilganini o'lchash uchun: reklama tarmog'i (ia.box) va reklama zanjiridagi reklama beruvchilarning piksellari, kmetrix.uz o'lchov pikseli, mobil va TV ilovalarida esa reklama identifikatori va Google IMA SDK. Saytda ular faqat Foydalanuvchining roziligi bilan qo'llaniladi; ilovalarda 4.5-bandga muvofiq qo'llaniladi.

4. Rozilik berish va cookie sozlamalarini boshqarish

4.1. Saytga birinchi marta kirilganda Foydalanuvchiga cookie va shunga o‘xshash texnologiyalardan foydalanish to‘g‘risida axborot beruvchi banner ko‘rsatiladi. Bannerda «Hammasiga roziman», «Faqat zarurlari» va «Sozlash» tugmalari Foydalanuvchiga teng darajada qulay va ko‘rinadigan shaklda taqdim etiladi. Zarur texnologiyalar Platformaning ishlashi va xavfsizligini ta’minlash uchun qo‘llaniladi. Zarur bo‘lmagan funksional, analitik va reklama texnologiyalari faqat Foydalanuvchi «Hammasiga roziman» tugmasini bosgan yoki «Sozlash» oynasida tegishli toifani yoqqan taqdirda faollashtiriladi. «Faqat zarurlari» tanlanganda yoki Foydalanuvchi tanlov qilmaguncha faqat zarur texnologiyalar qo'llaniladi.

4.2. Mobil va TV ilovalarida Google Firebase Analytics va Firebase Crashlytics Xizmat ishini tahlil qilish va xatolarni aniqlash uchun Administratorning qonuniy manfaati asosida qo'llaniladi (Maxfiylik siyosatining 5.5-bandi). Foydalanuvchi bunga splayuz@gmail.com manziliga yozib e'tiroz bildirishi mumkin. Reklama identifikatori 4.5-bandga muvofiq qo'llaniladi.

4.3. Foydalanuvchi saytdagi tanlovini istalgan vaqtda sayt pastidagi "Cookie sozlamalari" havolasi orqali o'zgartirishi mumkin. Brauzer sozlamalarida cookie'larni o'chirish ham mumkin, lekin bunda zarur cookie'lar o'chsa, Platforma to'g'ri ishlamasligi mumkin.

4.4. Foydalanuvchi bergan roziligini istalgan vaqtda, uni berish uchun qo‘llanilgan usulga nisbatan murakkab bo‘lmagan usul orqali qaytarib olishi mumkin. Foydalanuvchining cookie va shunga o‘xshash texnologiyalar bo‘yicha tanlovi 12 (o‘n ikki) oy davomida saqlanadi. Ushbu muddat tugaganidan keyin yoki mazkur Siyosatga kiritilgan o‘zgartirishlar Foydalanuvchining roziligiga ta’sir qilgan hollarda, rozilik qayta so‘raladi. Administrator rozilik va Foydalanuvchining tanloviga oid qaydlarni (sana, vaqt, tanlangan toifalar va Siyosat versiyasi) Maxfiylik siyosatida belgilangan muddat davomida saqlaydi. Rozilik qaytarib olinganidan so‘ng tegishli zarur bo‘lmagan texnologiyalardan foydalanish to‘xtatiladi.

4.5. Mobil va TV ilovalarida reklama identifikatori bepul Kontentda reklama ko'rsatish uchun o'qiladi. iOS qurilmalarida IDFA faqat Foydalanuvchi operatsion tizimning kuzatuvga ruxsat so'roviga rozilik bergan taqdirda o'qiladi. Android qurilmalarida reklama identifikatori Qurilma sozlamalariga muvofiq o'qiladi. Foydalanuvchi ularni Qurilma sozlamalarida istalgan vaqtda tiklashi yoki o'chirishi mumkin. Bolalar Profilidan foydalanilganda analitik va reklama maqsadlaridagi kuzatuv texnologiyalari qo‘llanilmaydi.

5. Uchinchi shaxslarning cookie'lari

5.1. Analitik va reklama cookie'lari uchinchi shaxslar — Google, reklama tarmoqlari va reklama o'lchash xizmatlari tomonidan o'rnatilishi mumkin. Ular olgan ma'lumotlarga Maxfiylik siyosatining 7 va 8-bo'limlari qo'llaniladi.

5.2. Administrator uchinchi shaxslarga Foydalanuvchining ismi, telefon raqami yoki elektron pochtasini cookie orqali uzatmaydi.

5.3. Platformada qo'llaniladigan uchinchi shaxs xizmatlari ro'yxati, ular o'rnatadigan cookie'lar va ularning saqlash muddatlari ushbu Siyosatning 5.4-bandida va "Cookie sozlamalari" oynasida ko'rsatiladi hamda so'rov bo'yicha taqdim etiladi.

5.4. Platformada qo'llaniladigan asosiy cookie va texnologiyalar:

  • splay_token, splay_access, splay_refresh, splay_profile_id, splay_profile_age (Administrator, zarur) — avtorizatsiya, tanlangan Profil va uning yosh toifasi. splay_refresh 30 kun, qolganlari 180 kun saqlanadi.
  • NEXT_LOCALE (Administrator, zarur) — sayt tili; brauzer sessiyasi davomida saqlanadi.
  • Cookie tanlovi (Administrator, zarur) — Foydalanuvchining cookie bo'yicha tanlovi; 12 oy saqlanadi.
  • splay:searchHistory:v1, splay.hls.bandwidth, shouldShowStoreModal (brauzer xotirasi, Administrator, funksional) — oxirgi 3 ta qidiruv so'rovi, video sifatini tanlash uchun internet tezligi bahosi va ilovani o'rnatish taklifi ko'rsatilgani. shouldShowStoreModal brauzer sessiyasi davomida, qolganlari Foydalanuvchi ularni o'chirguncha saqlanadi.
  • _ga, _ga_<ID> (Google Analytics, analitik) — tashriflarni hisoblash; 2 yilgacha saqlanadi.
  • ia.box va reklama zanjiridagi reklama beruvchilarning piksellari, kmetrix.uz (uchinchi shaxslar, reklama) — reklama ko'rsatish va uni o'lchash; tegishli xizmat shartlariga ko'ra saqlanadi.
  • Google orqali kirish (accounts.google.com, uchinchi shaxs, zarur) — Foydalanuvchi Google orqali kirish oynasini ochganda Google o'z cookie'larini o'rnatadi.
  • Google Firebase Analytics, Firebase Crashlytics, Firebase Cloud Messaging (mobil va TV ilovalari) — analitika, xatolarni aniqlash va push-bildirishnomalar.
  • Reklama identifikatori (IDFA, Android reklama identifikatori), Google IMA SDK (mobil va TV ilovalari, reklama) — 4.5-bandga muvofiq.

6. Saqlash muddati

6.1. Sessiya cookie’lari brauzer yoki ilova sessiyasi yakunlanganda o‘chiriladi. Doimiy cookie’lar va shunga o‘xshash texnologiyalar orqali yaratiladigan identifikatorlarning saqlash muddati ularning turi, qo‘llanilish maqsadi va tegishli xizmat ko‘rsatuvchi uchinchi shaxslarning shartlariga qarab belgilanadi. Bunday ma’lumotlar belgilangan maqsadga erishish uchun zarur bo‘lgan muddatdan ortiq saqlanmaydi. Foydalanuvchi tegishli sozlamalar orqali cookie’larni oldinroq o‘chirishi yoki roziligini qaytarib olishi mumkin. Uchinchi shaxslar tomonidan ma’lumotlarni saqlash muddatlari tegishli xizmatlar haqidagi ma’lumotlarda ko‘rsatiladi.

7. Siyosatga o'zgartirish va qo’shimchalar kiritish

7.1. Siyosatga o‘zgartirishlar SPlay Foydalanuvchi shartnomasining 15-bo‘limida belgilangan tartibda, kamida 30 (o‘ttiz) kalendar kun oldin e’lon qilinadi. Siyosatning barcha tahrirlari versiya raqami va sanasi bilan Platformaning «Huquqiy hujjatlar» bo‘limida saqlanadi.

8. Bog’lanish uchun ma’lumotlar

8.1. Cookie bo'yicha savollar uchun: splayuz@gmail.com. Pochta manzili: Toshkent shahri, Yashnobod tumani, Izzat ko'chasi, 58-A uy, "MEDIA CONTENT PRODUCTION AND BROADCAST" MCHJ.

Sayt ishlashi uchun zarur cookie'lardan foydalanamiz. Roziligingiz bilan qulaylik, tahlil va reklama uchun ham cookie'lardan foydalanamiz. Batafsil — Cookie siyosatida.