Jodugar

Davlat aka Muhabbat ismli qiz bilan ishqiy munosabatda edi. Ularning aloqasidan xabar topgan Davlat akaning turmush oʻrtogʻi – Asilzoda katta janjal qiladi. Yakkayu yolgʻiz oʻgʻli Farhodjon ham otasi uydan ketmasligi uchun yigʻlaydi. Davlat aka oilasini yaxshi koʻrardi. Ammo gʻisht qolipdan koʻchib, qiz homilador boʻlib qolgan edi. Shunda doʻstining gapiga kirib, erkak katta gunohga yoʻl qoʻyadi. Muhabbatni avrab suvga olib borib, qayiqdan itarib yuboradi. Farzand kutayotgan ayolning boshiga yetgan Davlat akaning oʻgʻli bedavo dardga yoʻliqadi. Uning dardiga tibbiyot ojiz qolgach, eskicha urf-odatlarga koʻra bir tabib qizning oldiga olib borishadi. Qiz Davlat akaning gunohi farzandiga urayotganini ichki tuygʻulari bilan sezadi. Davlat aka oldiniga qizni jodugar deb ataydi. Ammo Farhod qizga koʻngil qoʻygandi. Jondan suygan farzandiga muhabbatni taqiqlay olmasdi. Biroq ikkinchi bor qotillikka qoʻl urib, qizni oʻldirtirishga odam yollaydi. Film yakunida hamma oʻz qilgan qilmishiga javob beradigan kun keladi.