Matonatli Neslijan

Umid va matonat ramziga aylangan Neslijan Tay haqidagi mazkur film real voqealarga asoslangan. Aniqrog'i, saraton kasalligiga qarshi davolanish chog'ida hayot uchun kurashgan va bu jarayon orqali insonlarga umid bag‘ishlagan Neslijan Tayning hayoti tasvirlangan. Filmda, 19 yoshli qizga qo‘yilgan tashxisdan so‘ng boshlangan og‘ir davolanish jarayoni asosiy mavzu sifatida ko‘rsatilgan. Neslijanning bu davrdagi tajribalari va hayot uchun olib borgan kurashi namoyon qilinadi. NESLIJАN TАY KIM EDI? Neslijan Tay 1998 yil 14 mart kuni Bursa shaharida tugʼilgan. Neslijan uch marta saratonni yenggan. Ijtimoiy tarmoqlardagi taʼsirli chiqishlari, “men taslim boʼlmayman!” degan shiori bilan u nafaqat koʼplab saratonga chalingan bemorlarga, balki koʼplab yosh ayollarga ham umid manbai boʼlgan edi. 2017 yil 14 avgust kuni Neslijan Tay saratonga qarshi kurashini ijtimoiy tarmoqlar orqali baham koʻra boshladi va qisqa vaqt ichida katta miqdorda kuzatuvchilarga ega boʻldi. 2017 yil iyul oyida uning oyogʻidagi oʻsma sababli oyogʻi kesildi. Oyogʻini yoʻqotishiga qaramay, Neslijan kurashdan chekinmadi. Uning “Men faqatgina bir oyoqdan iborat emasman” shioridan soʻng mashhurligi yanada oshadi. Afsuski, 2019 yil 20 sentyabr kuni u xavfli oʻsimta sabab vafot etdi. Neslijan Tay oʻz hayoti, matonati va ilhom beruvchi ruhi bilan millionlab insonlarga umid va kuch bagʻishlagan.