Qalbim yarasi

Film 2014 yilda vafot etgan san'atkor Murat Gogebakanning ayanchli hayoti haqida hikoya qiladi. Film voqealari Muratning 1968 yilda Adanada tug‘ilgan kunidan boshlanadi. Uning hayoti esa onasining homiladorlik paytida o'tkazgan operatsiyasi natijasida o'ng oyog'ida doimiy nogironlik bilan tug'ilishi bilan boshlangan. Bu jismoniy nuqson musiqadan va o‘zidan uzoqlashishiga sabab bo‘lsa, musiqaga bo‘lgan ishtiyoqi darslarni qoldirishiga sabab bo‘ladi. Kunlarning birida 7 yoshli ukasi baxtsiz hodisada vafot etadi. Bu ayanchli voqeada Muratni ayblashadi. Bu pushaymonlik uning musiqadan voz kechishiga asos bo'ladi. Jiyani esa uni qo'llab-quvvatlaydi va munosabatlari turmush qurishgacha boradi. Murat konservatoriyadagi ta’limni tamomlagach, qahvaxonalarda qo‘shiq kuylab, o‘qituvchilik orqasidan kun ko'ra boshlaydi. U albom chiqarish taklifini olib, Istanbulga yo'l oladi. Lekin musiqiy to'plam savdosidan o'zi kutgan muvaffaqiyatga erisha olmaydi. Bu davrda u menejer qiz bilan tanishgach, birinchi turmushidan ajraydi. Musiqiy faoliyati davomida u mukofotlarni qo'lga kiritadi, kontsertlar beradi va eng ko'p sotilgan albomlar yaratadi. Ammo, iqtisodiy qiyinchiliklar bilan kurashishga to'g'ri keladi. Unga 40 yoshida leykemiya tashxisi qo'yilgan. Davolanish natijasida esa saratonni mag'lub etgan. "Men saraton kasalligini yengdim, lekin xiyonatni yenga olmadim!" degan Murat davolanish chog‘ida ikkinchi rafiqasi uni aldayotganidan xabar topgach, qayta saraton kasalligiga chalinadi. U 45 yoshida vafot etgan. Murat o'zidan ko'plab albomlar, yuzlab kompozitsiyalar va millionlab muxlislarni qoldirdi. Gögebakanning muxlislari uni “Sevgi odami” deb atashadi.