Berlin

“Berlin” laqabli Andres de Fonoyosa Yevropadagi eng tajribali o‘g‘rilardan biri sanaladi. U ko‘plab qimmatbaho zargarlik buyumlarini o‘margan. Ispaniyalik jinoyatchi o‘g‘rilik qilishda davom etayotgan edi. Berlin yangi rejaga ko‘ra, 44 million dollarlik qimmatbaho zargarlik buyumlarini o'g'rilashga qaror qiladi. Bu o‘g‘rilikni amalga oshirishda unga malakali sheriklari: Keyla, Kameron, Bryus, Damian va Roy yordam berishadi. Berlin o'z jamoasi bilan birgalikda tarixdagi eng katta o‘g‘riliklardan biri - Parijdagi "Chez Vienot" auksion uyini talon-taroj qilish uchun antiqa reja tuzishadi. "Barchasi xamirdan qil sug‘urgandek o'tib, olamshumul o‘g‘rilikni amalga oshirdik" deb o‘ylashadi. Biroq, 44 millionlik qimmatbaho buyumlarni o‘marish bilan bir qatorda, Berlin yuragini ham o‘g‘rilatgandi. Xo‘sh, Berlin sevgining tuzog‘idan qutila oladimi yoki ko‘ngil bergan insonining qalbini o‘g‘rilashning uddasidan chiqadimi? Jinoiy guruh qanday qilib, Evropol xodimlarining qo‘lidan mohirlik bilan qutilib ketishadi?