Yigit sozi

"Yigit so'zi. Asfaltdagi qon" — bu 1980-yillarning oxirida Qozondagi "ko‘cha" yoshlari haqidagi real voqealarga asoslangan kriminal, drama janrlaridagi serial. Sovet Ittifoqi, 80-yillarning oxiri. Mamlakat aholisi uchun qiyin davrlar, ya'ni "qayta qurish davri" kelmoqda. Odamlar so‘z va tanlov erkinligi borasida o'zgarishlar tobora yaqinligini anglayotgan edi. Bunga parallel ravishda esa vayronagarchilik, qonunbuzarlik va tartibsizliklar paydo bo'ladi. Bosh qahramon - Andrey ismli 14 yoshli bola onasi bilan Qozon shahrida yashaydi. Yolg'iz ayol o'g'lini muvaffaqiyatli inson qilish uchun qo'lidan kelganicha harakat qiladi. Ammo haqiqat anchayin achinarli bo'lib chiqadi. Andrey "ko‘cha" guruhlari tomonidan zo'ravonlik qurboni bo'ladi. "Ko‘cha" yigitlari doimo uni kaltaklab, mazah qilishar, pullarini tortib olishar edi. U "chushpan" bo'lishdan charchab, mushtimzo‘r guruhlardan biriga qo'shilishga qaror qiladi. Xo‘sh, u "ko'cha" qoidalari bo'yicha yashay oladimi? Zo‘ravon to'dalar va "ko'cha"lar bilan to'qnashuvlar, turli xil reydlar, diskotekalar, birinchi video do'konlar, ilk sevgi va xiyonat... bularning bari Andrey va umuman, 80-yillarning barcha yoshlari taqdirida qanday rol o'ynaydi?