SPlay va SDrama akkauntini o'chirish
Bu sahifa SPlay xizmati foydalanuvchilari uchun: telefon va televizorlar uchun SPlay va SDrama ilovalari (Google Play — ishlab chiquvchi Intersoft tech, App Store) hamda splay.uz sayti. Ularning barchasida akkaunt bitta: uni bir joyda o'chirsangiz, hamma joyda o'chiriladi.
Shaxsga doir ma'lumotlarni "MEDIA CONTENT PRODUCTION AND BROADCAST" MChJ qayta ishlaydi. Batafsil — Maxfiylik siyosatida.
Akkauntni qanday o'chirish mumkin
Telefon yoki Android TV'dagi SPlay yoki SDrama ilovasida
- "Sozlamalar"ni oching va "Akkaunt"ni tanlang.
- "Akkauntni o'chirish" tugmasini bosing va o'chirishni tasdiqlang.
- Akkauntning telefon raqami yoki elektron pochtasiga keladigan kodni kiriting.
splay.uz saytida
- splay.uz saytida akkaunt sozlamalarini oching; sayt so'rasa, akkauntga kiring.
- "Akkauntni o'chirish" tugmasini bosing va o'chirishni tasdiqlang.
- Akkauntning telefon raqami yoki elektron pochtasiga keladigan kodni kiriting.
Ilova va saytsiz
splayuz@gmail.com manziliga "Akkauntni o'chirish" mavzusi bilan xat yozing va akkaunt bog'langan telefon raqami yoki elektron pochtani ko'rsating. Biz 10 kalendar kun ichida javob beramiz. So'rov akkaunt egasidan kelganini tekshirish uchun shu raqam yoki pochtaga tasdiqlash kodi yuborishimiz mumkin.
Apple TV ilovalarida akkauntni o'chirish imkoni yo'q: uni telefondagi ilovada, saytda yoki pochta orqali o'chiring.
Agar obunangiz bo'lsa
- Google Play orqali rasmiylashtirilgan obuna akkaunt o'chirilganda boshqa uzaytirilmaydi.
- App Store orqali rasmiylashtirilgan obunani faqat o'zingiz bekor qila olasiz: akkauntni o'chirishdan oldin uni Apple ID sozlamalarida ("Sozlamalar" → ismingiz → "Obunalar") bekor qiling, aks holda Apple uni uzaytirishda davom etadi.
Nima o'chiriladi va nima saqlanadi
Akkaunt o'chirilgandan keyin 30 kalendar kun ichida quyidagilar o'chiriladi yoki egasizlantiriladi:
- akkaunt va kirish ma'lumotlari (telefon raqami yoki elektron pochta);
- profillar va ularning sozlamalari;
- ko'rish va qidiruv tarixi, sevimlilar, baholar va tavsiyalar ma'lumotlari.
Faqat qonun saqlashni talab qiladigan ma'lumotlar uzoqroq saqlanadi:
- to'lovlar va obunalar tarixi, elektron cheklar — oxirgi to'lovdan keyin kamida 5 yil (soliq va buxgalteriya hisobi to'g'risidagi qonunchilik);
- qo'llab-quvvatlash xizmati bilan yozishmalar — murojaat yopilgandan keyin 3 yil;
- rozilik qayd yozuvlari — rozilik amal qilgan davr va undan keyin 3 yil;
- texnik jurnallar va xavfsizlik jurnallari — 12 oy.
Zaxira nusxalardan ma'lumotlar 90 kalendar kundan kechiktirmay o'chiriladi. Nizo yoki davlat organining so'rovi mavjud bo'lsa, unga taalluqli ma'lumotlar ular hal bo'lgunga qadar saqlanadi.
Akkauntni o'chirmasdan ma'lumotlarni qanday o'chirish mumkin
- Ko'rish va qidiruv tarixi — uni ilovada tozalang.
- Profil — keraksiz profilni ilovada, profil sozlamalarida o'chiring.
- Profil ma'lumotlari — ularni profil sozlamalarida tuzating yoki o'chiring.
- Boshqa ma'lumotlar — splayuz@gmail.com manziliga "Shaxsga doir ma'lumotlar" mavzusi bilan xat yozing va nimani o'chirish kerakligini ko'rsating. Biz 10 kalendar kun ichida javob beramiz.
Tozalangan tarix va o'chirilgan profillar darhol o'chiriladi, zaxira nusxalardan esa 90 kalendar kundan kechiktirmay o'chiriladi. Qonun saqlashni talab qiladigan ma'lumotlar (to'lovlar va obunalar tarixi, elektron cheklar) "Nima o'chiriladi va nima saqlanadi" bo'limida ko'rsatilgan muddatlarda saqlanadi.