Gedda

Mazkur romantik-psixologik dramada xohishlar, ijtimoiy bosimlar, shaxsiy erkinlik mavzulariga e’tibor qaratilgan. Film voqealari bir kechada boʻlib oʻtadigan ulkan ziyofat atrofiga jamlangan. Film yosh, serharakat va magʻrur ayol — Gedda haqida. Gedda Gabler — generalning qizi. Olim yigit Jorj Tessmanga turmushga chiqadi. Ammo u sevgisiz nikoh tuzogʻida qolib ketganini his qiladi va oʻtmishdagi hayotini qoʻmsaydi. U ruhiy jihatdan ezilgan ayol. Gedda nafaqat beqaror, balki ijtimoiy rollarga moslashishdan charchagan. Syujet Gedda va turmush oʻrtogʻining asal oyidan qaytganidan keyin rivojlanadi. Shu vaqtda Geddaning hayotida uning sobiq sevgilisi yana paydo boʻladi. Bu esa dramatik voqealarga sabab boʻladi.