Sukunat vaqti

Bostonda qotilliklarni tergov qilish bo‘limida ishlovchi detektiv Frenk Shou jinoyatchini qo‘lga olish chog‘ida boshidan og‘ir jarohat oladi, buning oqibatida uning eshitishi asta-sekin yomonlasha boshlaydi. Tajribali politsiyachi bu holatni og‘ir qabul qiladi: endi u maxsus eshitish apparatini taqib yurishga va imo-ishora tilini o‘rganishga majbur. Shifokor esa, bir yil ichida eshitish qobiliyati butunlay yo‘qolishi mumkinligi haqida ogohlantiradi. Bir kuni sobiq hamkori undan yarmiyaroq tashlab ketilgan binoda yashaydigan, qotillikning kar-soqov guvohini so‘roq qilishda yordam so‘raydi. Kerakli jarayonlar tugagach, Frenk jo‘nab ketadi, biroq yo‘lda ayolning uyida telefonini unutib qoldirganini sezadi. Qaytib borganda esa u guvohni yo‘q qilish uchun kelgan qurollangan guruh bilan yuzma-yuz keladi.