O'g'irlangan qiz

Film qahramoni Mara qizini yakka oʻzi tarbiya qilayotgan yolgʻiz ona. Maraning yolgʻizligiga esa “erimning xushtori bor” degan gumonga borgani sabab edi. Biroq qizini otasidan ayirmaslik uchun ota-bolaning uchrashib turishlariga imkon beradi. Ammo Maraning sobiq eri Karim uning ishonchini suiiste'mol qilib, qizi Aminani oʻgʻirlab Suriyaga olib ketadi. Oradan 8 yil oʻtgan boʻlishiga qaramay, Mara qizini topishdan umid uzmaydi. Kunlarning birida Mitch ismli erkak Maraga ish taklif qiladi. U sirli operasiyalarda yordam berishi kerak edi. Evaziga esa moʻmaygina pul ishlab olish va qizini qaytarishni va'da qiladi. Ammo Mara vaqt oʻtib tushunadiki: bu faqat sirli oʻyinning boshlanishi ekan. Mitch u koʻringanidek odam boʻlib chiqmaydi. Mara hayotini xavfga qoʻyib, qizini topishga muvaffaq boʻladi. Biroq eng dahshatli haqiqat shunda ediki, Amina onasini “oʻlgan” deb bilardi. Shu bois Marani tanimaydi va onasi bilan oʻz uyi – Amerikaga qaytishni istamaydi. Ona qanday yoʻl tutadi: qizini otasining yonida qoldiradimi yoki majburan olib ketadi?