Sevgi — bir lahzalik his

Ruzgar — yosh, chaqqon va oʻtmishdagi isyonkorligi bilan yuzma-yuz kela olmaydigan yigit. Xayal esa goʻzal, boy ota-onasining barcha bosimini elkasida his qiladigan talaba qiz. Ikki yoshning yoʻllari yomgʻirli Istanbul kunida tasodifan kesishadi. Ruzgarning doʻsti haydaydigan taksiga Xayal mijoz sifatida oʻtirib qoladi. Voqealar rivoji aynan shundan boshlanadi. Yoshlarning bir-biriga boʻlgan nafrati oʻz oʻrnini sevgiga boʻshatadi. Lekin Xayalning oilasidagilar Ruzgarning “qotil” ekani haqidagi ma'lumotni oʻqib qolishadi. Aslida esa qotil Ruzgar emas, uning otasi boʻladi. Otasining qilmishini oʻz boʻyniga olgan murgʻakkina Ruzgar, ulgʻaygach ham yemagan somsasiga pul toʻlashga majbur boʻladi. Ruzgar va Xayal qarshiliklarga qaramay, imkonsiz bir muhabbatni yashashadi. Ular boshqalarda topa olmagan tuygʻularini bir-birlarida topishadi. Ammo Xayalning bolaligida boshdan kechirgan kasalligi qaytalagani sabab, orzularga toʻla hayoti goʻyo yomon tushga aylanadi...