Men bo'ri

Mazkur drama serialda romantika, hayotning qiyinchiliklari va inson munosabatlari haqida gap ketadi. Asosiy qahramonlar bir-biriga yordam berib, o‘z o‘tmishlaridan qutulishga harakat qilishadi. Geri – ayoli vafot etgan, 11 yoshli qizi Emma bilan yashovchi yolg‘iz ota. Geri hanuz 7 yil avval vafot etgan rafiqasi Lizaning o‘limi ortidagi ruhiy jaroxatdan qutula olmagan. Kunlardan birida Meri ismli jurnalist ayol bilan tanishadi. Meri ham o‘tmishdagi og‘ir dardlardan xalos bo‘lishga urinayotgan yolg‘iz ayol. Meri ulardan uzoqlashishga harakat qilsa-da, taqdir ularni qayta-qayta to‘qnashtiraveradi. Geri qiziga yaqinlashishga uringanida, Meri uchun Emmaning tilini topish oson kechadi. Biroq Merining o‘tmishida sir bor: u o‘zini va boshqalarni xavfga qo‘yishi mumkinligidan qo‘rqadi. Gap shundaki, har to‘lin oy kechasi Meri bo‘riga aylanib qoladi... Eng qizig‘i, bir oila bo‘lib yashayotgan juftlik Geri va Meri farzandi odam yoki bo‘ri bo‘lib tug‘ilishidan xavotirda... Qisqasi, serialning janrlari va mavzusi uning o‘ziga xosligini ta’minlaydi.