Adolat

«Adolat» filimi jamiyatdagi ko'plab muammolarga e'tibor qaratib, ularga yechim topish yo'llarini ko'rsatadi. Filmning bosh qahramoni - prokuratura tergovchisi Adolat Aliyeva. Uning taqdirida sodir bo'lgan voqealar orqali jinoyatga qarshi jasorat bilan kurashish va haqiqiy prokuror qonun himoyachisi ekanligini ochib beradi. Filmning asosiy maqsadi - qonun ustuvorligi va adolatning qaror topishi. Unda jinoyatchining mansabi yoki obro'sidan qat'i nazar, qonun oldida barcha teng ekani ta'kidlanadi. Qanchalik jinoyatni yashirishga harakat qilinmasin, adolat yuzaga chiqishi muqarrar ekanligi ko'rsatiladi.