Otashin muhabbat

Film qahramonlaridan biri Radja Bombeyning shovqin-suronidan juda uzoqda, fermada yashovchi oddiy dehqon yigit. U bor eʼtiborini avtohalokatda vafot etgan akasi va kelinoyisining uch nafar farzandi — Dabbu, Motu, Chxotuga qaratgan. Radjaning keragidan ortiq gʼamxoʼrligi natijasida, bolalar juda sho'x boʼlib oʼsishadi. Renu — boy oilaning qizi. Ota-onasidan qolgan merosning hujjat ishlarini hal qilish uchun Аmerikadan oʼz vataniga kelgan. Bu meros uning amakisi Bxagavati Prasad tomonidan boshqarib kelingan. Renuning yoʼqligidan foydalangan amakisi esa katta miqdordagi mablag'ni yoʼq qilgan. U qarzga kirib qolgani bois, oʼz holatini yaxshilash uchun Renuning merosiga ega chiqishni koʼzlagan. Chunki Renu hujjat ishlarini hal qilgach, qaytib ketmoqchi edi. Аmmo advokat unga hisob-kitob hujjatlarini tekshirishni maslahat beradi va Renu amakisining qilmishlarini fosh qiladi. Barchasini yashirish istagida bo'lgan amakisi Renuni yoʼq qilishga qaror qilib, uni cho'ktirib yuboradi. Biroq Renu baliqchilar tomonidan qutqarib qolinadi, lekin u xotirasini yo'qotgandi. Radja esa bu vaziyatdan foydalanib,injiq qizga saboq berib qo'yishga qaror qiladi. Renuni oʼz rafiqasi sifatida uyiga olib kelib barcha uy ishlarini bajarishga majburlaydi. Uch nafar bola esa sho'xliklari bilan Renuning mehnatini yo'qqa chiqarishadi. Oxir-oqibat esa Renu mehr-muhabbat va tirishqoqlik bilan barchaning ko'nglidan joy oladi.