Umida

Filmda oʻz kasbining fidoyisi, odamlarga haqiqiy psixologik yordam beruvchi inson, shifokor, oʻz ishining bilimdoni, bir oila bekasi, dilbar ayol – Umida haqida hikoya qilinadi.Afsuski, zamonadoshlarimiz orasida maishiy muammolar oldida ojiz qolayotgan, hayotda oʻz oʻrnini topishga qiynalayotgan, turmush zarbalariga dosh berolmayotgan odamlar bor. Ularning ba’zilari moddiy jihatdan qiynalsalar, ba’zilari kasalliklariga shifo izlab, tushkunlikka tushadilar... Muammolari turlicha boʻlgan turli taqdir egalari... Aksariyat hollarda, ular ruhiy madadga muhtoj... Film qahramoni esa ularga doim ruhiy yordam berishga tayyor inson. Mazkur filmdan oʻrin olgan voqealardan birining qahramoni – Lola ismli ayol. U yosh va chiroylı. Lola shahardagi yirik korxonalardan birida sidqidildan mehnat qiladi. Lekin korxona rahbari – oilali inson – uni oʻz holiga qoʻymaydi. Hatto unga ikkinchi xotinlikni taklif etadi, oʻz lavozimidan foydalanib unga bosim ham oʻtkazadi. Lola ishdan boʻshashga majbur... U noiloj qoladi va Umidaga ruhiy yordam soʻrab, murojaat etadi...