Jajji farishtalar

Ordinary Angels

Mazkur film real voqealar asosida suratga olingan. Sheron (Xilari Suonk) — Kentukkining kichik shaharchasida yashovchi, qiyinchiliklar girdobidagi sartarosh ayol. Tasodif sabab, uning hayotiga maʼno kirib keladi. Kunlarning birida Sheron gazetaning birinchi sahifasida besh yoshli qizaloqning suratini koʼrib qoladi. Qizaloq onasini yoʼqotganiga ko'p vaqt bo'lmagan edi. Sheron qizcha haqidagi maqolani oʼqib, u ogʼir kasallika chalingan, shoshilinch jigar koʼchirib oʼtkazishga muhtoj qizcha - Mishel (Emili Mitchell) ekanini bilib oladi. Qizaloqning otasi — Ed (Аlan Richson) esa ikki qizning boquvchisi boʼlgan beva erkak. U bor kuchi bilan qizlarini taʼminlashga harakat qiladi, lekin operatsiya uchun zarur mablagʼni yakka oʼzi yigʼisha olmaydi. Sheron qizaloqni qutqarishi kerakligini his qiladi. U eʼlonlar yopishtiradi, mahalliy yangiliklar telekanaliga murojaat qiladi, nufuzli tadbirkorlar va cherkov jamoasidan yordam so'raydi. Ordan koʼp oʼtmay, shaharda Mishel haqida ma'lumot tarqatilmagan biror burchak qolmaydi. Sheron boshqalar uchun yaxshilik qilish, uning o'ziga ham ijobiy ta'sir qilayotganini anglaydi. U ichkilikdan voz kechadi. Shaharchadagilar ham jipslashib, ogʼir kasallikka chalingan qizaloqni qutqarish uchun harakat qilishadi. Xilari Suonk ishtirokidagi mazkur ruhlantiruvchi drama tomoshabinni befarq qoldirmaydi. Film so'ngida hayoti film qilingan insonlarning real kadrlarini ham ko'rishga muvaffaq bo'lasiz!

Ma'lumot

• DavlatAQSh / Kanada‎
• JanrDrama / Biografik
• Davomiyligi1 1 soat 57 57 daqiqa
• Reyting
  10.0 7.4 IMDb 7.4 KP
• Sifat
  FullHd4K