Sovuq dahshati

Mazkur psixologik trillerda Devid qor bo‘roni vaqtida mashinasida qamalib qoladi va xavfli yirtqich domidan omon qolish uchun kurashishga majbur bo‘ladi. Yangi yil arafasidagi noqulay ob-havoga qaramay, Devid mashinasida yo‘lga chiqadi. U yo‘lda bir qahvaxonaga kirib, isinib olishni xohlaydi. Qahvaxona bo‘m-bo‘sh, faqatgina samimiy ofitsiant ayol Anna bor. Ko‘p o‘tmay, Devid Annani tinimsiz qo‘ng‘iroqlar bezovta qilayotganini sezadi. Biroz vaqt o'tib esa qahvaxonaga qo‘ng‘iroq qilgan odam, ya'ni uning sobiq eri Vinsent kirib keladi. U g‘azabda Annaga tahdid qiliadi. Bu holatga befarq qaray olmay, Devid ayolni himoya qilishga kirishadi. Biroq, bu olijanob harakati unga qimmatga tushadi. G‘azablangan Vinsent uning ortidan quvadi va Devidning mashinasi bo‘ron markazida jarlikka tushib qoladi. Sivilizatsiyadan uzoqda, og‘ir yaralangan holda Devid hayot uchun kurashishi kerak bo‘ladi. Ammo qor bilan qoplangan zulmat yanada katta xavfni yashirgan bo‘lishi mumkin va bu hikoya ham unchalik oddiy emas. U sovuq va qo‘rquv bilan kurashib, o‘z hayotidagi eng dahshatli tunni o‘tkazishga majbur bo‘ladi. Chunki uni sovuq, ochlik va yaqin atrofda yashirinib yotgan xavfli yirtqich, o‘lim kutyapti.