Ayollar uchun maxsus

Sakkiz nafar ayol “Ayollar uchun maxsus” deb nomlangan dastur asosida o‘z hayotini toza sahifadan boshlash uchun birlashadi. Ular uy bekasi yaqinlariga g‘amxo‘r ayol sifatida kundalik tashvishlarga o'ralashib, o'zini unutish darajasiga kelib qolgan. Ipek aynan shunday vaziyatdagi 7 nafar ayollarni chorlaydi. Bunday ayollar har doim hamma narsaga ulgurishga urinishadi. Hatto, charchashga ham vaqti yoʼq. Biroq, bari boshqacha boʼlishini istaydigan onlari borligi aniq: oʼzini hammasi yaxshidek tutganida... odatda olamon ichida oʼzini yolgʼiz his qilganida... muammolarini yaqinlariga ayta olmaganida... yengib oʼtish qiyin boʼlayotgan adolatsizliklarni bartaraf qilish uchun duoga qo'l ochganida.... Ayollar muvozanatni saqlashga urinadi. Hech nimaga qaramasdan harakat qiladi. Oʼzini toʼlaqonli his qila olmagan vaqtida, hattoki toʼgʼri yoʼlni ham tanlay olmay qoladi. Tan olinishni, qoʼllab-quvvatlashlarini istaysiz. Аnglash qiyin emas, kundalik hayot sizni zeriktirib yuborgan. “Yoʼq” deyish oʼrniga, “ha” deb javob berasiz. Lekin, aslo bunday qilmang. Oʼzingizga xiyonat qilmang. Ichki ovozingizni eʼtiborsiz qoldirmang. Tinimsiz boshqalar uchun yashash joningizga tegmadimi? Sizga tegishli boʼlmagan hissiyotlardan voz keching! Oʼzimizni qanday boʼlsak, shundayligimizcha qabul qilaylik. Аziz ayollar, oʼzingizni yoʼqotmang! Balki, tushkunlikka tushib qolgandirsiz? Oʼrningizdan turing. Gʼazabingiz, qoʼrquvlaringiz bilan yuzlashing. Aytmoqchi, yonidagi ayol uchun qanday qoʼrgʼon boʼlishni biladigan onalar, otalar, aka-ukalar, opa-singillar, turmush oʼrtoq va doʼstlarga “salom”. Sizlar – haqiqiy moʼjizasiz!