Otaturk 2 (1881-1919)

Mustafo Kamol Otaturk 1915-yilda Gelibolu frontida oʻzini koʻrsatganidan soʻng, yangi marralarni zabt eta boshlagandi. U sharqiy jabhada ruslarga, keyinroq Suriyada inglizlarga qarshi yirik janglarda qatnashadi. Oxir-oqibat Birinchi jahon urushi vaqtida jangda yutkazmagan yagona Usmonli zobitiga aylanadi. — Film davomida bir nechta lahzalar bo'ldi-ki, juda ta'sirlandim va oxirgi sahna meni hayajonga soldi - deydi Otaturk rolini ijro etgan turk aktyori Aras Bulut İynemli. Film Otaturkning shaxsiy va professional hayotiga chuqur kirib borgan. Uning fe'l-atvori, kurashlarining unchalik ham ma'lum bo'lmagan tomonlariga oydinlik kiritadi. Bu esa ko'pchilikni hayratda qoldirishi mumkin. Filmda tarixiy aniqlikka alohida e'tibor berilgan. Liboslar, bezaklar davrni aks ettirish uchun sinchkovlik bilan qayta tiklangan. "Otaturk II" filmi uning hayotdagi qarashlarini shakllantirgan va Turkiya Respublikasining tashkil topishiga yo'l ochgan muhim lahzalarni ham taqdim etadi.