Meni sev

Hech qachon Istanbuldan tashqarida yashamagan Emre otasining vasiyatiga ko'ra, u yerga boradi. Otasining qurib bitkazilmagan uyini, bog‘dorchilik ishlarini, insoniy munosabatlarini, turmush tarzini ko‘rib, maftun bo‘ladi. Lekin Emrening qarzlari, sevgilisi Burju va uni kutayotgan ishlari bor. Shu sabab, Istanbulga qaytadi. Qaytgach, barcha orzulari birin-ketin yo'qqa chiqadi. Sevgilisining oila qurish haqidagi gaplari ularning munosabatlarini buzadi. Burju uni tark etganida esa, sarosimaga tushadi. Emre hamma narsani tashlab, qishloqqa ketadi. U otasining qurilishi tugallanmagan uyini ta’mirlab, yangi sahifa ochishga qaror qiladi. U yer shahar hayotidan butunlay farq qilardi. Emrening hayotini o'zgartiradigan judayam quvnoq qiz - Yaseminni uchratadi. Emre va Yasemin o'rtasida boshlangan bu munosabat o'z o'rnini sevgiga bo'shatib beradi. Ular yangi hayot boshlashga tayyorlanayotganida, Emrening sobiq sevgilisi Burju kelib qoladi. Emre ikki o't orasiga tushib qoladi. Bir tomonda telbalarcha sevib qolgan Burju, ikkinchi tomonda esa unga oyoqda mustahkam turishga yordam bergan Yasemin. Emre yo sobiq sevgilisini unutib, hayotini yangi sahifa bilan davom etishi yoki eski hayotiga qaytishi kerak...