Tovon puli

Mashhur aviakompaniya rahbari Tom Mallen (Mel Gibson) muvaffaqiyatning tirik timsoli. Uning puli, mehribon rafiqasi Keyt (Rene Russo) va o'g'li Shon (Brauli Nolte) bor. Biroq, bir necha yil avval Tom noqonuniy ishga qo‘l uradi. Shu sabab, uning yordamchisi Jeki Braun (Dan Xedaya) qamoqqa tushadi va Mallen jazodan qutulib qoldi. Kunlarning birida Shon g‘oyib bo‘ladi. Ko'p o'tmay o'g'rilar Tomga qo'ng'iroq qilishadi va 2 million dollar to'lashni talab qilishadi. Shonni o'ldirish bilan tahdid qilib, Federal tergov byurosi bilan bog'lanishni taqiqlashadi. Avvaliga, Tom qamoqda o‘tirgan Jeki Braundan shubhalanadi. Lekin uni so‘roq qilganidan so‘ng Tom, bola o'g'risi Braun emasligini tushunadi. Aslida, haqiqiy o'g'ri - detektiv Jimmi Sheyker (Geri Sinise) edi. Biroq Sheyker hammaning ko'z o'ngida Shonning qutqaruvchisi sifatida namoyon bo'ladi. Sheyker va Tomning suhbati davomida, Shon uning ovozini tanib qoladi. Sheyker sarosimaga tushib, Tomni o‘ldirishga hozirlik ko‘radi. Ammo, Tom so‘nggi lahzada uni otib tashlaydi.