Qashqirlar makoni: Iroq

Sevimli turk aktyori Nejati Shashmaz ishtirokidagi mazkur film real voqealarga asoslangan. Amerika qo'shinlari bor-yo'g'i o'n bir kishidan iborat maxfiy turk bazasiga bostirib kiradi. Turk askarlari buni ittifoqchilarning do'stona tashrifi deb o'ylashdi, ammo bu ular tahmin qilganidek tashrif emas edi. Amerikaliklar uchun ular mintaqadagi yagona kuch edi. O'sha kuni o'n bir nafar turk askarini sha'ni va qadr-qimmatini hurmat qilmay, mahalliy aholi oldida deportatsiya qilishadi. Ularning boshlig'i - leytenant Suleyman Aslan bunday sharmandalikka dosh berolmay, o'z joniga qasd qiladi. U o'z joniga qasd qilishdan avval eski do'sti - tajribali turk razvedka agenti Po'lat Alemdarga maktub yozib qoldiradi. Po‘lat do‘stining so‘nggi istagini bajarmay qolmaydi va uning sha’nini yo‘qqa chiqargan, jonini berishga majbur qilgan odamlarni topish uchun Shimoliy Iroqqa boradi. Suleymanning joniga qasd qilishiga sababchi va insoniyatga qarshi boshqa ko'plab jinoyatlarning aybdori - Amerika qo'shinlari maxsus kuchlari qo'mondoni Sem Uilyam Marshall bo'lib chiqdi. Po‘latning yo‘li Marshallning ko‘pgina qurbonlaridan biri - Leyla bilan kesishadi. Ular adolat va qasos olish uchun oxirigacha borishga tayyor!