Tiffanydan sovga

Ha, ha, to‘g‘ri o‘qidingiz! O‘sha mashhur "Tiffany" do‘konidan harid qilingan qimmatbaho sovg‘a o‘zining munosib egasini kutmoqda. Yangi yilda inson hayotini o'zgartirishi mumkin bo'lgan, "Tiffany" do‘konidan mahsus sovg‘ani o‘z egasiga hadya qilishning ayni fursati. "Tiffanydan sovg‘a" filmi Melissa Xillning huddi shu nomdagi romani asosida rejissor Daril Vayn tomonidan suratga olingan. Ushbu romantik komediyada bosh rollarni Zoi Deytch, Kendrik Sampson, Rey Nikolson va Shey Mitchell ijro etgan. Nyu-Yorkda yangi yil arafasi. Ko‘chalar o‘zgacha chiroy kasb etgan. Ajib tuyg'ular og‘ushida sarmast bo‘ladi, kishi. Ayni shu sehrli damda ikki mehribon juftlikning taqdiri kesishadi. Itan Vanessaga turmush qurishni taklif qilish uchun uzuk, Gari esa do'sti Reychel uchun bir juft olmos sirg'a sotib oladi. Reychel va Gari yetarlicha baxtli, ammo ular katta majburiyatga tayyor emas. Itan va Vanessa esa ideal juftlik va munosabatlarini qonuniylashtirishmoqchi. Xo'sh, bu juftliklarni nima bog'lab turibdi? Yangi yil ularni yoqimli taqdir sovg'asi bilan siylarmikan?