Qasos o'ti

Kuzgun – 8 yoshli bola, uning otasi sodiq politsiyachi. Kuzgun ota-onasi, ukasi va singlisi bilan baxtli va kamtarona hayot kechirishadi. Kuzgunning otasi Yusuf, hamkasbi va do‘sti – Rifatni juda qadrlar edi. Rifatning qizi Dila va Kuzgun esa bir-biridan sira ayrilmas do‘st. Do‘stlikdan boylikni ustun qo‘ygan Rifatning xiyonati sabab, Kuzgunning bolaligi barbod, oilasi parokanda bo‘ladi. Natijada Rifat narkobaron Sherefning o'ng qo'liga aylanadi. Kuzgunning otasi esa qamoqqa tushadi. Baronning to‘dasidagilar Kuzgunni oilasidan yulib, olib ketishadi. Onasining bu tanlovi, Kuzgunni 20 yillik qalb jarohatiga sabab bo‘ladi. 8 yoshli Kuzgun jinoyatchilar qo‘lidan qochishga muvaffaq bo'lgan bo‘lsada, darbadar hayot kechirishga mahkum edi. 20 yildan keyin qaytgan Kuzgun, bolaligi va oilasini tortib olganlarni unutmaslikni va ular uchun qasos qilichiga aylanishni afzal ko'radi. Bu yo‘lda u tanlov qilishi kerak edi: qasos o‘tini so‘ndirish yoki bolalikdan sevgan insoni - dushmani Rifatning qizi Dila bilan oila qurib, baxtli yashash. Xo‘sh, Kuzgun munosib tanlov qila oladimi? 20 yil azob-uqubatda o‘tgan hayoti uchun, Kuzgun onasini kechirib, oilasiga qaytadimi? Dila esa 20 yillik vijdon azobidan qutula oladimi?