Adashgan sovchilar

Dilshod Raʼnoni yaxshi koʻrardi. Tez orada toʻylari boʻlishi kutilayotgan paytda Dilshod qizga oʻzining kambagʻal oiladan ekanligini, badavlat koʻrinish uchun togʻasining mashinasi va telefonlarini ishlatib yurganini aytadi. Bundan Raʼno asabiylashib, oʻzini aldangan his qiladi va yigitni tashlab ketadi. Shu-shu badavlat oilalarning qizlaridan Dilshodning koʻngli qoladi. Bu orada yigitga yana bir badavlat oilaning qizining koʻngli tushadi. U yigit haqidagi haqiqatlarni eshitgach, oʻzini oddiy oilaning qizi qilib koʻrsatishga qaror qiladi. Dilnoza yigitning nazariga tushish uchun doʻsti bilan reja oʻylab topadi. Biroq bu qaltis reja tufayli Dilshodning uydagilari boshqa xonadonga sovchilikka borishadi. U xonadonning qiziga uylanayotgan yigit esa doʻstlari bilan kelib Dilshodni kaltaklaydi. Dilnoza hammasi uyushtirilgan ekanini aytib, kechirim soʻrash uchun Dilshodga qoʻngʻiroq qilganida, yigit javob bermaydi... Koʻzida yosh bilan qolgan qizning uyiga sovchilar kelishadi. U rad javobini beradi. Shunda zinada qadam tovushlari eshitiladi. Bu qadamlar unga baxt yoki baxtsizlik olib kelayotgandi.