Mening akam bo'ydoq

"Mening akam bo'ydoq" kinokartinasi rejissori Alisher Uzoqov, film prodyuseri Mirjamol Mirzaahmedov hisoblanishadi. Filmni dunyoga kelishiga eng asosiy ishni aynan mana shu ikki inson amalga oshirdi, desak mubolag'a bo'lmasa kerak. Albatta, ulardan tashqari ko'plab ijodiy jamoa vakillari, aktyor va aktrisalarning ham hissasi juda katta. Film darhaqiqat oilaviy tomosha qilish uchun mo'ljallangan bo'lib, asosiysi unda majburan kuldirish uchun turli xil harakatlardan foydalanilmagan. Filmning asosiy yutug'i ham so'zlar boyligida bo'lgan bo'lsa ajab emas. "Mening akam bo'ydoq" kartinasidagi asosiy qahramonlarni Alisher Uzoqov hamda Madina Mumtoz talqin etishgan. Alisherning ijrosiga doimgidek gap-so'z bo'lishi mumkin emas. Madina Mumtozning ijrosi esa doimgidanda yuqoriroq darajada amalga oshgan. Xullas, mazkur film haqida gapirsa gap ko'p, ammo uni bir bor tomosha qilganga hech narsa yetmaydi.